Choot pe Kurbaan  

  RSS
 Anonymous
(@Anonymous)
Guest

Office ka darwaza kholkar jis aadmi ne ander kadam rakha woh seema ke liye bilkul ajnabee thaa. Uske badan par armaani ka besh-keemti suit thaa. Pairo main chamchamaate woodland ke joote, aankhon par imported brand ka chashma aur haath ki ungliyo main heere ki anguthiya chamak rahi thi. Seema ko woh aadmi baamushkil 35-38 saal ka laga.

"Yes please" seema ne apne hothon par professional muskurahat bikherte hue kaha

"Tum seema ho?" jawaab dene ki jagah us aadmi ne seema ke nazdeek pahuchke poocha "is sheher ki sabse kaabil vakil sheetal verma ki personal secretary"

"ji haa" seema ne usee ajeeb si nazron se dekhte hue jawaab diya.

"mujhe sanjay narang kehte hai. jis tarah sheetal verma ko is sheher ki sabse kaabil vakil kaha jaata hai, waise hi mujhe is sheher ka sabse kaabil businessman kaha jaata hai" us aadmi ne shaan se gardan ko akad dete hue kaha

"glad to meet you sir" seema ne apne sir ko jumbish dete hue kaha "please have a seat. and how may i help you"

"main abhi isi waqt sheetal se milna chahta hu"

"sorry sir. is waqt to madam kaafi busy hai. waise bhi wo bina appointment kisise nahi milti" seema ne gambhir hote hue bola

"mujhe malum hai" behad shant swar main bola sanjay "isliye to main khud yaha chalkar aaya hu. apne kisi aadmi ko nahi bheja"

"magar sir...." seema ne usse kuch kehna chaha lekin uski baat kaatte hue sanjay bola

"miss seema. achchca yehi hoga ki tum madam ko is baat ki khabar do ki sanjay narang unse milne aaya hai. khud chalkar" sanjay ne khud chalkar shabd chabaake kaha "agar unhone mujhse milna kabool naa kiya toh main chupchaap yaha se chala jayunga"

seema ne ek gehri saans li, fir hichkichaate hue usne apni employer se intercom par sampark sthaapit kiya aur sanjay ke sambandh main usee bataya. Seema ko puri umeed thi ki uski boss sanjay se milna kabhi bhi kabool naa karegi, lekin jawaab uski kalpana se pare nikla. Sanjay Narang ka naam sunte hi uski boss ne usee foren ander bhejne ka order diya. bina appointment kabhi kisise naa milne wali sheetal verma ka yeh vyavhaar uski samajh se bahar thaa.

"zaroor koi chakkar hai" uske dil ne gawaahi di. usne intercom rakhkar narang ko ander jaane ka ishaara kiya. "aap madam se mil sakte hai"

Seema jab boli to us aadmi ke chehre pe kisi vijeta jaise bhaav ubhar aiye. woh ek kutil muskaan chehre pe liye aage bada, jiske bahar lagi nameplate par bade bade aksharo main "Mrs. Sheetal Verma M.A.L.L.B." likha hua thaa.

Agle pal seema se usee darwaza dhakelkar ander pravesh karte hue dekha.

"pata lagakar hi rahungi" woh badbadai "sanjay narang naam ke is aadmi mein aisi kaunsi khoobi hai jo madam ne usee bina appointment ke ander bula liya. madam .... jo bina appointment aaj tak kisse nahi mili. Narang se bhi oonche oonche log aiye aur berang laut gaye"

Sheetal Verma lagbhag tees saal ki lambe kad, patli aur gori chhiti aurat thi. dikhne main saadharan si gharelu mahila dikhne wali sheetal vaastav mein ek suljhi hui aur tez tarraar kism ki vakil thi jisne apne career mein aajtak koi case nahi haara thaa. shaayad yeh uski safalta ka hi kamaal thaa ki usse dugni umar ke kaafi anubhavi vakil bhi uske saamne case ladne se bachte thee. Sanjay Narang ne jab uske cabin mein kadam rakha toh ek case ki file main uljhi hui sheetal ne usee band karke table pe rakh diya aur seedhi hoke apni kursi pe baith gayi.

Sanjay uske kareeb pahucha aur sheetal par ek nigaah daalte hue, uske saamne padi ek kursi par baith gaya.

"kaise aana hua" Sheetal ne behad rukhe andaaz main sawaal kiya

"Sheetal mein...." Sanjay ne apne honth khole

"Mrs. Verma kaho" sheetal ka swar sakht ho gaya "koi anjaan aadmi mujhe seedha mera naam leke pukaare, yeh mujhe pasand nahi hai"

"mein tumhare liye anjaan nahi hu"

"please mera time waste matt karo. apne matlab ki baat karo ya apni tashreef ka tokra leke yaha se rukhsat ho jao"

Sanjay ke chehre par apmaan ke bhaav jhalak uthe. usne kuch kehne ke liye muh khola, magar naa jaane kyu usee kuch kehne ki jagah usne 2-3 gehri saans li.

"mein is waqt musibat mein hoon" kuch pal ke baad normal hote hue bola sanjay "aisi musibat se sirf tum mujhe nikaal sakti ho"

"tum nahi aap kaho mr narang." sheetal ne sakhti se kaha

"ohhk"

"hmm, saaf saaf kaho, kya musibat hai"

kuch bolne se pehle Narang ne apni jeb se rumaal aur maathe se paseena poacha.

"tumne.... i mean aapne Kamal Chand Tripathi ka naam toh suna hi hoga"

"wohi tripathi jo auto chalaata hai, lekin har election mein khada hota hai."

"haa... wohi wohi... usi ki baat kar raha hu" sanjay bola "wohi meri musibat ki wajah hai"

"strange" naqli hairani zahir karte hue boli sheetal "sheher ka no.1 businessman ek mamuli auto wale ki wajah se musibat mein hai"

"mrs. verma woh koi mamuli auto wala nahi hai" Narang taish mei aate hue bola

"woh mamuli auto wala hi hai. mujhe achchi tarah se pata hai ki election main khada hona sirf uska ek shauk hai. har baar uski zamanat zabt ho jaati hai. baamushkil 50-100 vote haasil hote hai usee, aur woh bhi uske khaas dost aur uske pehchaan walo ke. yaha tak ki uske pariwar wale bhi usee vote nahi daalte hai"

"aap jo kuch keh rahi hai, bilkul thik keh rahi hai"

"to fir batao. us joker ne is baadshah ko bhala kaise musibat mein daal diya"

"usne mujhe kaatil saabit kar diya hai"

"kaatil" pehli baar hairaan hoke uchhli sheetal "kiska kaatil?"

"uski biwi ka"

"uski biwi ka katl ho chuka hai"

"haa" pareshaani bhare swar mein bola Narang "kal raat kisne uska gala ghonth ke khoon kar diya"

Sheetal ne gehri nigahon se Narang ko dekhte hue poocha "aap uski biwi ko jaante thee?"

"kisiko jaanne ka yeh matlab toh nahi hota ki......"

Sheetal uski baat kaatte hue zor se boli "aap usee jaante the ya nahi?"

"jaanta thaa"

"kaise jaante thee" sheetal ne poocha "aur sirf jaante thee ya kisi tarah ke sambandh bhi banaiye uske saath"

"sambandh kaisa" hadbadaakar bola narang "woh toh mere bunglow par kaam kiya karti thi. meri naukrani thi"

"ohh"

"mrs. verma, woh tripathi mujhpe ilzaam laga raha hai. kuch ulte seedhe saboot police ke saamne pesh karke mujhe kaatil saabit karne ki koshish kar raha hai"

"magar kyu? kyun kar raha hai aisa? kya aapki uske saath koi purani dushmani hai"

"ji nahi. aisi koi baat nahi hai. meine usse poocha thaa. usne jo jawaab diya usse mere rongte khade ho gaye"

"aisa kya jawaab diya usne"

"uska kehna hai, wo aisa kisike kehne par kar raha hai"

"kiske kehne par"

"agar woh naam hi bata de toh rona kis baat ka hai. mein us aadmi ko khaak mein naa mila du" narang taish mein aate hue bola

"kamaal hai mr. narang" sheetal shant swar mein boli "us aadmi ko khaak mei mila sakte ho, lekin ek mamuli auto wale ko nahi" vyang kasa sheetal ne

"nahi mila sakta. i mean, is waqt nahi mila sakta kyuki is waqt usne mujhpe mukadma dayar kar rakha hai. agar usee kuch hua toh police ke haath seedha mere girehbaan tak pahuchenge"

"hmm" sheetal sir ko jumbish deke boli "aapke hisaab se baat yeh hai ki kisi aadmi ne tripathi ki biwi ko maara aur ab aapka koi dushmann uske katl ke ilzaam mei aapko fasaana chahta hai"

"fasaa chuka hai already"narang bebasi se bola "police ne ghatna-sthal se jitne bhi saboot baramad kiye hai, sab mere khilaf hai"

"ghatna-sthal aapka bunglow hai?"

"nahi nahi.... tripathi ki biwi ka katl unke hi ghar par hua thaa"

"uske ghar se aapke khilaaf saboot mile?"

"haa"

"kahin aisa toh nahi ki katl aap hi ne......"

"mujhe kya zarurat padi hai kisi ka katl karne ki, wo bhi ek mamuli naukrani ka, aur khud apne haathon se"

"khud ka matlab?"

"baat ko samjho mrs. verma" thode ukhde hue swar mei kehne laga narang "mujhe agar kisika katl karwana ho toh is sheher mei gunde mawaliyo ki kami nahi hai"

"is baat ka kya saboot hai ki aap sach bol rahe hai. ho sakta hai aapne hi uska khoon kiya ho. woh tripathi wali baat bhi aapki jhuthi ho sakti hai" sheetal boli

"mein apni vakil se jhuth bolunga"

"mr. narang" sheetal seat se khadi hote hue boli "filhaal meine aapko aisa koi waada nahi kiya hai ki mein aapka case ladungi"

"kya matlab? please sheetal.."

"sheetal nahi mrs. verma kahiye"

"ok"

"jab police ko aapke khilaaf itne saboot mil gaye hai toh aapko giraftaar kyun nahi kiya gaya hai"

"us ilaake ke police station ka incharge mera dost hai. mei giraftaar hua thaa magar...."

"magar kya?"

"usi ne mujhe aapke pass bheja hai. uska kehna hai ki agar aap mera case apne haathon mei le lengi, toh mei yeh case 100% jeet jayunga"

"kaun hai waha ka incharge?"

"naveen jindal"

"ohhh." sheetal honth gol karte hue boli "mein bhi usee kaafi achche se jaanti hu. ok.. agar mein case ladu toh fees kya milegi"

"jo aap kahe"

"toh fir suno. meri fees hogi 5 crore. na ek paisa kam na zyada"

"5 crore" narang hairaani se bola "ek case ladne ke itne paise?"

"case ladne ke nahi. mr. sanjay narang ki jaan bachaane ki keemat hai yeh. aur shayad aapki jaan ki keemat ke lihaaz se zyada nahi hai"

"magar abhi toh aapne case thik se suna bhi nahi hai. pehle dekh toh lijiye ki case jeetne ki koi gunjaish bhi hai ya nahi. mein kanoon se bach bhi paunga ya nahi"

"kanoon" sheetal thahaaka lagaake hasi "aap mazaak achcha kar lete hai mr. narang. kya aap us kanoon ki baat kar rahe hai, jiski aankhon pe patti bandhi padi hai, aur jo vakil aur police naam ke haathon ke sahare chalta hai."

"kya matlab?"

"aap matlab samajhne ki jagah fees ke paiso ke baare mei soche mr. narang. baaki kaam mujhpe chhoad dijiye. jab sheetal verma kisika case apne haathon mei leti hai toh, ladne ke liye nahi.. jeetne ke liye leti hai. aur usi baat ke itne paise bhi charge karti hai"

"okk" narang jaise hathiyaar daalte hue bola "mujhe fees manzur hai"

"1 crore advance meri secretary ke pass jama karwa do"

"mei abhi 1 crore mangwaake jawa karwa deta hu"

jawaab mei sheetal ne haule se sir ko jumbish di. Narang ne apni jeb se mobile nikaala toh sheetal usee yu dekhne lagi, jaise koi billi apne panje mei fanse chuhe ki oar dekhti hai. uske hothon par bikhri muskaan har beette pal ke saath gehri hoti jaa rahi thi.

Quote
Posted : 10/12/2012 4:15 am
 Anonymous
(@Anonymous)
Guest

Police Station mei Sheetal ko dekhkar aankhen chamak uthi Naveen Jindal ki. Woh samajh gaya ki sheetal ne Narang ka case ladna manjoor kar liya hai, aur usi silsiley mei baat karne aai hai. Jindal ne apni bhaari tond (stomach) ke neeche bandhi pant ko durust kiya aur kaale kalute chehre ko rumaal se poancha. pakode jaisi naak ke neeche ugi, sukhi ghaas jaisi mooncho ko taav dekar chehre pe nakli muskurahat laate hue woh aage bada aur apni kursi pe jaake baith gaya. Khudko busy dikhaane ke liye usne ek file kholke usee padna shuru kar diya.

Kareeb do minute baad usee Sheetal Verma apne cabin ke darwaze par dikhaai di. Isse pehle ki woh kuch bolta, sheetal bol padi "may i come in sir?"

"Sheetal ji aap?" apne chehre pe naqli hairaani laate hue bola Jindal "aiye naa, aapko ander aane ke liye ijaazat ki zarurat kaha hai"

Sheetal ander aai aur jindal ke bina kahe ek kursi par baith gayi.

"badi khushi hui aapko yaha dekhkar" Jindal bina wajah hanste hue bola "mein toh kabhi soch bhi nahi sakta thaa ki kabhi aap jaisi mahaan hasti ke kadam bhi yaha padh sakte hai. baaki baat baad mein, pehle bataiye, thanda lengi ya garam?"

"yeh sab baad mein" shant swar mein boli sheetal "pehle kaam ki baat karte hai"

"kaam ki baat?"

"mein seedhi baat karti hu" sheetal gambhirta se, chehre ke bina koi bhaav laiye boli "Sanjay Narang ke khilaaf aapko aise kaunsa saboot mila hai ..... jo usee Tripathi ki biwi ka kaatil saabit karte hai"

"ek nahi madam ji... kai saboot mile hai" Jindal ne seat pe seedhe baithte hue kaha

"hmmm....." sheetal ne lambi hunkaar bhari, aur fir Jindal ke chehre par aankhen gadaate hue boli "suna hai ... aap aur narang khaas dost hai"

"pakke dost" apni mooncho ko taav dete hue bola Jindal "hum dono paintiya dost hai"

"paintiya dost?"

"darasal humari dosti tab hui thi jab humne pant pehenna shuru kiya thaa" apne peele daant dikhaata hua bola jindal

"aap ek police office hai... is ilaake ke incharge hai jahaa ghatna ghati hai. mulzim aapka khaas dost hai .... kya aap uske liye kuch kar nahi sakte hai." sheetal table pe aage ko jhukti hui boli

"agar mei aisa kar sakta, toh kya sanjay ko aapke pass bhejta madam ji"

"kehte hai police station ka incharge apne ilaake ka baadshah hota hai, jaise chahe saboot aur gawaah ko tod marod sakta hai"

"har baar aisa mumkin nahi hota hai madam ji. kai baar saboot itne mazboot hote hai ki siwai aap jaise kisi kaabil vakil ke unhe koi tod marod nahi sakta hai" Jindal serious hota hua bola

"Narang ke khilaaf hai itne pukhta saboot?" sheetal ne uski baaton mei interest lete hue kaha

"bilkul hai madam. waise sanjay ne kya aapko un sabooto ke baare mei kuch nahi bataya"

"meine unse kuch nahi pucha"

"kuch bhi nahi?" hairaani zaahir karta hua bola jindal.

"aam taur par mei apne client se baat baad mei karti hu, pehle case ke incharge se milke jaankaari prapt karti hu"

"ohhh"

"ab aap mujhe batayenge ki kissa kya hai? narang ke khilaaf police ke pass aise kaun kaun se saboot hai?"

"zaroor .. zaroor" bade pyaar se khise niporte hue bola jindal "mei aapko is case ki baarik se baarik baat bataata hu. taaki aapko is saare maamle ko thik se samajh sake"

"payal...." Jindal ne bolna shur kiya toh uski aankhon mei ek vishesh chamak thi "yeh naam thaa tripathi ki biwi ka. suna hai 4 bachcho ko janam dene ke baad bhi uski khubsurati mei koi farak nahi aaya thaa, balki suna hai aur zyada khubsurat ho gayi thi"

"aapne kabhi dekha thaa usko?"

"dekha thaa" gehri saans lete hue bola jindal "lekin tab, jab woh ek laash mei badal chuki thi"

"ohhhh"

"waise sach kahu toh laash ko dekhkar mei hairaan ho gaya thaa ki kisi auto wale ki biwi itni khubsurat bhi ho sakti hai. us waqt mujhe do aadmiyo se bahut jalan mehsoos hui thi"

"pehla toh tripathi hi hoga?"

"haa, aur dusra thaa mera dost narang, jiske yaha naukrani thi payal"

"waise woh aurat naukri kyun karti thi?"

"bhala yeh bhi koi puchne ki baat hai. tripathi ki kamaai se ghar ka guzaara jo nahi hota thaa. ek toh wo aadmi pura din kaam nahi karta thaa. din mein sirf 3-4 ghante auto chalaata thaa. upar se kamaai ka kaafi bada hisaa juwa khelne mei laga deta thaa"

"hmm.....waise yeh jo tripathi baar baar election mei khada hota thaa, yeh kya scene hai?"

"mashoor hone ke do hi tareeke hai madam" jindal muskuraake bola "ek toh safalta ki bulandi par pahuch jao, dusra muh kaala karke, gale mei jooto ki mala daalke gadhe ki sawaari karo"

"matlab tripathi dusra tareeka apna raha hai" jindal ki baat ka matlab samajhke boli sheetal

"haa.....isliye toh ek mamuli auto wala hone ke bawajud woh itna mashoor hai ki aaj sheher ka bachcha bachcha usee jaanta hai."

"aur aage batao payal ke baare mei"

"payal" ek aah bharke bola jindal "pata nahi kaun thi, tripathi ki zindagi mei kaise aai thi, uska maayka kaha thaa? in sawaalo ke jawab tripathi ke ilaawa shayad hi koi jaanta ho. log toh bus itna jaante hai ki kareeb 10 saal pehle woh tripathi ki biwi bankar uske ghar mei aai thi. uske baad se woh uski biwi bankar uske ghar mei hi rahi, kabhi ek baar bhi kahin bahar nahi gayi ... apne maayke ya kisi rishtedaaar ke pass"

"ajeeb baat hai ....." sheetal ne kandhe uchkaiye aur kaha "logo ko yeh baat ajeeb nahi lagi, kya unhone kabhi is baare mei pati patni se kuch pucha nahi kabhi"

"yeh kaise ho sakta hai" jindal bola "jis society mei tripathi jaise log rehte hai, waha logo ko apni zindagi se zyada padosi ki life mei interest hota hai. dusro ki life unki gossip aur entertainment hoti hai...."

"matlab pucha thaa?" sheetal ne jindal ki baat kaatke kaha

"haa....lekin jawaab santosh-janak nahi thaa"

"fir bhi.... kya jawaab mila unhe"

"yehi.... ki payal ek anaath thi, aur uski nani ne usee paal poskar bada kiya thaa, aur unki shaadi ke 2 mahine baad hi uski nani marr gayi thi"

"ohhhh"

"filhaal sawaal yeh nahi hai ki woh kaun thi? uska ateet kya thaa? is sheher ke kaafi log jaante hai ki woh 10 saal se tripathi ki biwi thi. ek aisi biwi. jo khubsurat thi, zindadil thi, hansmukh thi, aur sabse badi baat tripathi ke prati wafadaar thi. jo tanghaali mein bhi khushi se jee sakti thi. mehnat majdoori karke apne bachcho ka pet bhar sakti thi"

"matlab kisiko usse koi shikayat nahi thi"

"ji nahi"

"tripathi ko bhi nahi"

"sunne mei toh yehi aaya hai"

"ghar mei aur kaun kaun hai tripathi ke"

"ab toh bachcho ke ilaawa koi bhi nahi" jindal bola "ek behen thi jiski kareeb 5 saal pehle shaadi ho chuki hai. ek buddhi maa thi jiski 4 saal pehle maut ho chuki hai"

sheetal dhyaan se jindal ki ek ek baat sun rahi thi. is waqt woh zyada se zyada is case, aur khaakar payal ke baare mei jaanna chahti thi "narang ke bunglow mei woh kabse naukri kar rahi thi?"

"kareeb 2 saal se"

"payal ka katl raat kis waqt hua?" sheetal ne agla sawaal poocha

"lagbhag 11 baje"

"sabse pehle laash ko kisne dekha?"

"khud tripathi ne. raat ke kareeb 11:30 baje usne cheekh cheekhkar pure mauhalle ko ikatha kar liya thaa. mauhalle ke hi kisi aadmi ne phone par mujhe is katl ki suchna di thi. suchna milte hi mein fauran ghatna-sthal par pahuch gaya thaa"

"waha kya dekha aapne?"

"itna ho-halla hone ke bawajud tripathi ke charo bachche besudh soye pade thee. ek charpai par payal ki laash padi thi"

"laash kis awastha mei thi"

"uske jism pe aadhe kapde thee sirf" hich-kichaate hue bola jindal "uske blouse ke sabhi hook khule pade thee. saree aur petticoat bhi ast-vyast thee aur ghutno ke upar tak chade hue thee. aankhen fati padi thi. muh khula hua thaa aur zubaan bahar nikli padi thi. laash dekhne se saaf pata chal raha thaa ki pehle uske saath jismani sambandh banaya gaya, aur fir uski hatya kar di gayi"

Sheetal kuch sochte hue, jindal ki aankhon mei aankhen daalke boli "kya jismani sambandh jabardasti banaiye gaye thee?"

"aisa koi clue toh nahi mila. agar aisa hota toh zabardasti ke kuch nishaan toh waha milte. jabki payal ke kapde bilkul sahi salamat thee, jism par kisi choat ya kharoch ka nishaan bhi nahi thaa."

"iska matlab saaf hai ki kaatil jo bhi thaa usee payal achchi tarah pehchaanti thi. jismani sambandh uski marzi se si bane thee"

"aapki dono baatein thik bhi ho sakti hai aur galat bhi"

"kya matlab?"

"kaatil payal ke liye ajnabee bhi ho sakta hai. ho sakta hai, usne dara dhamkakar ya koi revolver wagerah dikhakar uske saath aasani se balatkaar kiya ho aur baad mein uska katl kar diya ho" jindal sargoshi se yu bola, jaise koi bahut bada raaz khol raha ho

"mumkin hai" sheetal sochte hue boli

"waise zyada sambhavna isi baat ki hai ki kaatil payal ka pehchaan wala thaa koi. aur yeh mulaqat pehle se planned thi dono ki"

"is sambhavna ki koi khaas wajah?" sheetal aankhen sikodkar boli

"kaafi ho-halla hone ke baad bhi bachcho ka neend se naa jaagna. jaha tak mera vichar hai, bachcho ko neend ki goli kisi cheez mei milakar khilaai gayi thi. haalaki us waqt yeh baat mere dimag mei nahi aai, warna bachcho ka medical examination karwa leta"

"tripathi ne police ko kya bayaan diya"

"woh kehta thaa ki raat ke lagbhag 11:15 baje woh jab ghar ki aur laut raha thaa toh usne narang ko apni car par sawaar hokar apni gali mei se nikalte dekha thaa. aur fir ghar pahuchkar usne apne bachcho ko neend mein sota paaya, aur apni biwi ko laash ke roop mein dekhkar woh bhauchakka reh gaya. uske baad woh bahar nikla aur chilla chillakar mauhalle walo ko ikatha kar liya usne."

"hmm...yeh toh hui ghatnao ki baat" sheetal ne sir ko jumbish dete hue kaha "ab asli baat bataiye jindal sahab. mujhe un sabooto ke baare mein bataiye jo narang ke khilaaf hai"

jindal ne sehmati mei sir hilaaya "pehla saboot khud tripathi hai" gambhirta se kehne laga jindal "jisne apne bayaan mein kaha hai ki usne narang ko us raat gali mein se nikalte dekha thaa"

"yeh koi saboot nahi" sheetal bura sa muh banakar boli "isse sirf yeh saabit hota hai ki narang us ghar mei gaya thaa. khoon usne kiya, yeh kaise saabit hota hai"

"pehle aap sabhi sabooto ke baare mein sun lijiye, fir apni koi rai banaana" jindal bola

"thik hai, kaho"

"dusra saboot .... tripathi ke kai padosiyo ne apne bayaan mein yeh kaha hai ki unhone narang ki car ko theek tripathi ke ghar ke bahaar khade dekha thaa. woh gaadi lagbhag 11 baje waha se gayi hai. aur post-martam ke mutabik katl ka waqt bhi 11 baje ke aaspaas ka hi thaa"

"toh?"

"toh yeh madam ki agar 11 baje tak narang tripathi ke ghar mein thaa toh saaf zaahir hai ki jismani sambandh sthaapit karne wala aadmi aur payal ka khoon karne wala wohi thaa"

"padosiyo ne tripathi ke ghar ke bahar sirf gaadi dekhi thi ya khud narang ko bhi dekha thaa"

"usee bhi dekha thaa. gaadi se nikalkar ghar mein jaate hue bhi, aur ghar se nikalkar waapis aate hue bhi"

"aap ilaake ke incharge hai. kya aap un logo ke bayaan ko tod marod nahi sakte hai? unhe jhutha saabit nahi kar sakte hai?"

"kar to sakta hu magar......"

"mr. jindal, mujhe nahi lagta unhe jhutha saabit karna koi bahut badi baat hai"

"agar badi baat na hoti toh mein narang ko aapke pass naa bhejta madam"

"kya matlab?"

"matlab yeh ki narang tripathi ke ghar mein naa sirf gaya thaa, balki usne payal ke saath jismani sambandh bhi sthaapit kiya thaa, yeh baat medical report se saabit ho chuki hai"

"medical report?" sheetal hairaani se boli

"ji haa" jindal apne maathe pe ubhar aiye paseene ko poachte hue bola "yeh saabit ho chuka hai ki payal ke saath sex karne wala aadmi narang hi thaa. uske semen paiye gaye hai payal ke private parts ke waha"

"medical report aisa kehti hai?"

"ji haaa"

"iska matlab toh saaf hai ki payal aur narang ke beech naajayaz taalukaat thee"

"sarasar thee. yehi toh cheekh cheekhkar tripathi keh raha hai"

"toh fir katl ki naubat kaise aai?"

"bhagwan jaane"

"kahin aisa toh nahi ki tripathi ke jaane ke baad waha koi aur aaya ho aur usi ne gala ghotkar payal ko maar dala"

"narang ke ilaawa us ghar mein koi nahi aaya. is baat ke gawah unke padosi hai"

"padosi?"

"haa.... dekhiye, jaise hi narang ki gaadi aakar us gali mei ruki thi, tab padosiyon ki nazar tripathi ke ghar par lag gayi thi.... gossip n all ke liye, aur narang ke wapis jaane ke baad, aur tripathi ke aane tak unki nazrein us ghar par lagi rahi"

"uske baad?"

"sab log ek taraf ho gaye thee. tripathi ghar ke ander chala gaya thaa magar foren hi chillaata hua bahar nikla , tab jaakar padosiyo ne payal ki laash dekh thi.

"hmm... matlab is beech ghar mein koi nahi aaya thaa"

"ji haa"

"kya aisa nahi ho sakta ki khud tripathi ne apni biwi ka gala ghotkar katl kiya ho. aakhir gala ghotne mein time hi kitna lagta hai"

"mumkin nahi hai. isliye nahi kyuki tripathi sharirik roop se payal se kamzor hai. aisi kisi koshish mein usee foren kaamyabi haasil nahi hone wali thi. us stithi mein payal virodh zaroor karti, aur awaaz padosiyo tak pahuchti"

"ohh"

"dusri baat, waha se sangharsh ke koi nishaan nahi mile hai"

"hmm.. yeh bhi thik hai"

"sabse badi baat. agar narang ke jaane ke baad payal zinda hoti toh kya apne kapde thik naa karti, blouse band naa karti. kya apne pati ke saamne aisi haalat mein baithi rehti ki aate hi tripathi uska khoon karde"

'"baat mein dum hai" sheetal sochti hui boli

jindal sirf sir ko jumbish dekar reh gaya

"inke ilaawa koi aur bhi saboot hai narang ke khilaaf?"

"aur jitne bhi saboot hai, unhe mein galat karaar de sakta hu. unhe tod marod sakta hu"

"kya ha woh saboot"

"ghatna-sthal par narang ka ek pen gira hua paaya gaya hai. uske baare mein yeh kaha jaa sakta hai ki payal usee narang ke ghar se churakar laai thi. aaj subah hi payal aur narang ke beech kisi baat par teekhi nok-jhonk hui thi. bunglow ke kai naukar is baat ke gawaah hai." jindal kursi par baithe hue hi pehlu badalke bola "lekin is maamle mein naukro ka muh band kiya jaa sakta hai. agar naa bhi band kiye gaye toh bhi khaas baat nahi hai. maalik naukar ke beech aisi nok jhonk aam baat hai....iske ilaawa...."

"aur kya?"

"talaashi ke dauraan tripathi ke ghar se 50,000 rupaiye baramad hue hai. tripathi ka kehna hai woh un paiso ke baare mein kuch nahi jaanta hai. uske khayaal se note narang ne payal ko diye honge"

"khayaal... sirf khayaal?"

"wohi toh mein keh raha hu. aise khayalo ki kanoon ki nazar mein koi ehmiyat nahi hoti hai. kya pata woh paise tripathi kahin se churakar laaya ho, ya kisine narang ko fasaane ke liye woh paise tripathi ko diye ho"

"ye bhi thik hai"

"wohi toh mein keh raha hu. aise chhote mote saboot toh mein sambhaal lunga. sawaal bade bade sabooto ka hai, jinhe mein nahi badal sakta hu. isliye aap hi se kisi chamatkar ki umeed hai" kehke jindal khamosh hua.

Sheetal ne saari baat sunne ke baad, apni ankhen band kar li aur kuch der tak gehri soch mein doobi rahi. is beech usne ek baar aankhen kholi, aur apne hand bag mein se nikaalkar ek dunhill cigarette sulgaai. is beech jindal bhi kuch nahi bola. kash lete hue sheetal apne dimag ke ghode daudaane lagi, aur kareeb 3-4 minute ke baad usne jindal ki oar dekhte hue kaha "mein narang ka case le chuki hu"

"le chuki hai?" jindal naqli hairaani zaahir karte hue bola

"ji haa" chehre par kutil muskaan laate hue boli sheetal

"fir toh aap zaroor koi chamatkar kar dikhaengi"

"dikhana toh padega hi"

"yeh to badi khushi ki baat hai"

"mr. jindal" sheetal gambhir hoke boli "hum dono kanoon ke do haath hai. agar hum dono mil jaiye toh yeh andhaa kanoon Narang ka kuch nahi bigaad sakta hai"

"magar...."

jindal ki baat kaatke sheetal boli "mein narang ko bekasoor saabit karke dikhaungi, lekin aapko is kaam mein meri puri madatt karni hogi"

"mein aapki har tarah se madatt karunga. kahiye mujhe kya karna hoga"

"ghatna-sthal se haasil hue sabooto ki list mein thoda ijaafa karna hoga"

"mein kuch samjha nahi"

sheetal aage ki oar jhuki aur jindal ko ishaare se table par jhukne ko kaha. iske baad woh usee tafseel se baat samjhaane lagi.

ReplyQuote
Posted : 10/12/2012 4:16 am